Жаттықтырушылар құрамы

Жеңіс Диханбайұлы 1969 жылдың 9 наурызында Жезказған облысындағы Жанаарқа ауданында дүниеге келген.

1990 жылы Карағанды Педагогикалық институтына оқуға түсіп, «Дене шынықтыру пәнінің мұғалімі» мамандығын меңгереді.

Жеңіс Биткөзов 1990 жылы Жезқазған қаласындағы Балалар мен жасөспірімдер спорт мектебінде самбо күресінің жаттықтырушысы ретінде еңбек жолын бастайды.

1996-2000 жж. Қостанай мемлекеттік университеті – дене шынықтыру бойынша жаттықтырушы-оқытушы.

2001-2007 жж. «Жас сұңқар» БЖСМ – самбо күресінен жаттықтырушы-оқытушы.

2007-2008 жж. Қарағанды облысының Олимпиадалық резервін дайындау орталығы – дзюдодан жастардың аға жаттықтырушысы.

2008-2009 жж. «Жекпе-жек» МБЖСМ директоры.

2009-2011 жж. қысқы спорт түрлерінен ОМБЖОРСМ директоры.

2011-2012 жж. «Штаттық ұлттық командалар және спорт резерві дирекциясы» РМҚК – ұлттық спорт түрлері бойынша мемлекеттік жаттықтырушы.

2012-2017 жж. «Штаттық ұлттық командалар және спорт резерві дирекциясы» РМҚК – қазақ күресінен бас жаттықтырушы.

2017 жылдан бері қазақ күресінен ҚР мемлекеттік жаттықтырушысы.

Ғани Құдайбергенұлы 1986 жылдың 8 желтоқсанында Қызылорда облысы, Шиелі ауданындағы Бала-би ауылында дүниеге келген.

2004-2008 жж. Қазақ спорт және туризм академиясында оқуға түсіп, «Қазақ күресі бойынша жаттықтырушы-оқытушы» мамандығын меңгереді. 2008-2010 жж. Қазақ спорт және туризм академиясында магистратурада білім алады. Педагогика ғылымдарының магистрі.

2010 жылдан бері Қазақ спорт және туризм академиясының аға оқытушысы.

2017-2018 жж. ҚР ұлттық құрамасының фитнес жаттықтырушысы.

2019-2023 жж. ҚР ұлттық құрамасының аға жаттықтырушысы.

2024 жылдан бері ҚР ұлттық құрамасының бас бапкері.

Қазақ күресінен халықаралық дәрежедегі спорт шебері.

Ғани Құдайбергенұлы 2010 жылы Өскеменде өткен Азия чемпионатының және 2014 жылы Ресейдің Орынбор қаласында өткен Әлем чемпионатының жеңімпазы. Сондай-ақ, Қазақстан Республикасы чемпионатының екі дүркін чемпионы.

Дамир Ғабидуллаұлы 1987 жылдың 15 шілдесінде Жамбыл облысы, Жамбыл ауданындағы Бесағаш ауылында дүниеге келді.

2004 жылы Абай атындағы орта мектебін бітіргеннен кейін 2006 жылы Тараз мемлекеттік педагогикалық институтына оқуға түсіп, «Дене шынықтыру және спорт» мамандығын меңгереді.

2006 жылдан бері Тараз қаласындағы №3 ОМБЖСМ – қазақ күресінен жаттықтырушы.

2022 жылдан бері Жамбыл облысында жасөспірімдер арасында қазақ күресінен аға жаттықтырушы.

2024 жылдан бері қазақ күресінен ҚР ұлттық құрамасының аға жаттықтырушысы.

Қазақ күресінен ҚР спорт шебері. 2008 жылы қазақ күресінен өткен Әлем чемпионатының қола жүлдегері.

Жаттықтырушы қызметінде 5 шәкірті Әлем чемпионын, 15-тен астам ҚР чемпионын тәрбиеледі.

Ильяс Асхатұлы 1991 жылдың 9 қаңтарында ШҚО, Күршім ауданындағы Күршім ауылында дүниеге келген.

2007-2010 жылдары Алматы қаласындағы республикалық спорт колледжінде (жаттықтырушы-оқытушы), ал 2014-2018 жылдары Мардан Сапарбаев атындағы Оңтүстік Қазақстан гуманитарлық институтында (Дене шынықтыру пәнінің мұғалімі) білім алады.

2014-2015 жж. «ШҚО жекпе-жектен БЖСМ» ММ сарайы – дзюдо күресі бойынша жаттықтырушы.

2015-2016 жж. «ШҚО жекпе-жектен БЖСМ» ММ – қазақ күресінен жаттықтырушы.

2018-2021 жж. «Жоғары спорт шеберлігі мектебі» – дзюдо жаттықтырушысы.

2017 жылдан бері «Ұлттық және ат спорты түрлері орталығы» РМҚК – ұлдар арасында қазақ күресі бойынша ҚР ұлттық құрамасының аға жаттықтырушысы.

2024 жылдан бері қазақ күресінен ҚР ұлттық құрамасының аға жаттықтырушысы.

Ильяс Асхатұлы дзюдодан халықаралық дәрежедегі спорт шебері, әскерилер арасындағы ТМД чемпионы (2013 ж.), Әлем чемпионатының қола жүлдегері (2009 ж.), ҚР чемпионаттарының бірнеше дүркін жеңімпазы (2003,, 2005, 2013 жж.), Әлем кубогінің жеңімпазы (2004 ж.).

Айбат Төленбекұлы 1992 жылдың 20 мамырында Торғай облысы, Жангельдин ауданы, Еңбек ауылында дүниеге келген.

2008 жылы Фурманов орта мектебін бітірген. 2008-2011 жылдары Қаржы колледжі, 2011-2014 жылдары КазЭУФиМТ (Кеден ісі), 2014-2016 жылдары АрГПИ (Дене шынықтыру және спорт) білім алады.

2013-2014 жж. «Астана батыры» жекпе-жек СК – оқытушы-жаттықтырушы.

2014-2015 жж. ҚР-ның Қорғаныс министрлігі ОАСК нұсқаушы-қызметкер.

2017-2019 жж. Спортты дамыту дирекциясы – нұсқаушы.

2020-2023 жж. «ӨРКЕН» БЖДТО – оқытушы-жаттықтырушы.

2021 жылдан бері №7 БЖСМ – оқытушы-жаттықтырушы.

2024 жылдан бері ҚР ұлттық құрамасының аға жаттықтырушысы.

Айбат Сейтен қазақ күресінен халықаралық дәрежедегі спорт шебері, Азия чемпионатының (2013, 2018, 2019 жж.) жеңімпаз-жүлдегері, ҚР чемпионатының бірнеше дүркін (2013, 2017, 2019 жж.) жеңімпазы.

Ғұмар Даниярұлы 1992 жылдың 28 қыркүйегінде Түркістан облысы, Төлеби ауданындағы Диханкөл ауылында дүниеге келген.

2010-2014 жж. Қазақ спорт және туризм академиясына оқуға түсіп, «Бапкер, дене шынықтыру пәнінің мұғалімі» мамандығын меңгереді.

2024 жылдан бері ҚР ұлттық құрамасының аға жаттықтырушысы.

Қазақ күресінен және дзюдодан халықаралық дәрежедегі спорт шебері.

Ғұмар Қырғызбаев әр жылдары қазақ күресінен Азия чемпионы (2012 ж.), Халық ойындарының жеңімпазы (2014 ж.), ұлттық спорт түрлері фестивалінің жеңімпазы (2015 ж.), дзюдодан Қазақстан Республикасының жеңімпазы (Қарағанды, 2016 ж.), әскерилер арасындағы Әлем чемпионатының жеңімпазы (Кытай, 2016 ж.), Еуропа кубогының қола жүлдегері (Болгария, 2023 ж.) болды.