Қазақ күресінің жаттықтырушылары мен төрешілеріне арналған біліктілікті арттыру курсы мен аттестациялау

Бүгін Ж.Үшкемпіров атындағы Жекпе жек сарайында қазақ күресінің жаттықтырушылары мен төрешілеріне арналған біліктілікті арттыру курсы мен аттестациялау басталды. Біліктілікті арттыру курсының бағдарламасы: І. Қазақ күресі – Ұлттық құндылығы, бастапқы дайындық кезеңі, кіші жасөспірімдермен жұмыс барысындағы қауіпсіздік талаптары және педагог-жаттықтырушыға арналған әдістемелік нұсқаулықтар; II. Қазақ күресі – Жоғары дәрежелі спортшылармен жұмыс істейтін заманауи қазақ күресі жаттықтырушысының кәсіби даярлығының ерекшеліктері; IIІ. Қазақ күресі бапкерінің кәсіби құзыреттілігін арттыру: заңнама, психология, реабилитация және алғашқы көмек негіздері. Бірінші күннің лекторлары: - Даулет Әзербаев – Дене шынықтыру және бұқаралық спорт академиясының сеньор-лекторы; - Ғани Келдіқұлов – Қазақ күресінен ҚР құрамасының бас бапкері, халықаралық дәрежедегі спорт шебері; - Абылайхан Қалназар – "Балуан-тас" кітабының авторы; - Гүлбарам Құлахметова – PhD, әл-Фараби атындағы ҚазҰУ доценті; - Айбат Сейтен – Қазақ күресінен ҚР құрамасының аға жаттықтырушысы, халықаралық дәрежедегі спорт шебері, Азия чемпионы; - Ғұмар Қырғызбаев – Қазақ күресінен ҚР құрамасының аға жаттықтырушысы, халықаралық дәрежедегі спорт шебері, Азия чемпионы; - Ілияс Измагилов – Қазақ күресінен ҚР құрамасының аға жаттықтырушысы, Әлем чемпионатының қола жүлдегері, Әлем кубогінің жеңімпазы. Біліктілікті арттыру курсы мен аттестаттау 2025 жылғы 17 қазан күні аяқталады.